Aroma Audio 星

第一次聽這顆星，其實係今年5月PAF的時間，當時老闆說有新產品，咁一定要試下啦！試聽時，其實真的不知道它的Spec和售價；試聽完，當時的感覺已經不錯，還說如果賣三、四千元沒有問題😂😂
星，其實是一隻一單元動鐡耳機；沒錯，是一單元，在這個多單元等如好聲的世界，一單元的耳機真係好少見；咁當然只睇spec是沒有用的，唔好聲的話，俾一百粒單元你都冇用😆😆
言歸正傳，講下呢粒星D聲先！
好多人話星的聲音可以tune到咁似動圈耳機，很厲害！咁即係是甚麼聲音呢？
星的聲底本身是中性帶一點䁔意的，低頻有一定的量感和下潛，唔會有用筷子打鼓的感覺；中頻人聲順滑，唔會有生硬的感覺；高頻有少量突出，可以感受到聲音的空氣感和空間感；聲音整體上有一定的分析力，不會有糊掉的感覺，以入門耳機來說已經相當不錯！
特別想提一提星的佩帶感，真的非常好；大細適中，非常輕盈，長時間佩帶都沒有問題！
顔色上可以說是自由配搭，如果少女一點，選粉紅色絶對非常適合😆😆
講住咁多先，大家有時就去試下啦😆