呢隻耳機已經出咗一段時間，一路想去試吓但又冇咩動力出街，難得老友話借俾我返屋企玩下，當然唔執輸🤣🤣
先講下個外觀，外殼係用原件不鏽鋼CNC車出來的，做工同接口都做得好好，唔會有界手的感覺；加上藍寶石水晶面板，個樣係幾靚仔，最少冇咩見到有其他耳機係咁🥰
戴上耳有少少重量感，不過重量分布都算平均，唔會好易甩出嚟！
Typ711 係一隻3平板2動鐵的Hybrid耳機，睇配置好似幾難推，不過實際上又好似唔係，可能因為CA1000呢部坦克車的關係😂😂
Typ711聲音算係一隻易入口的耳機，低頻飽滿，下潛有力，有層次感，最難得的係低頻做到有空氣感；用返近排AV界最常用嘅潮語，就係有一種沉浸式的感覺😂😂，我自己覺得比較少耳機可以做到呢種感覺🥰🥰
中頻人聲清澈乾淨，有少少甜味，高頻舒服冇吉耳，整體相當討好；不過在於我個人口味而言，算係有少少偏乾身，不過唔算大問題，我估換條Brise的耳機線就perfect🥰
PS
圖中不是原裝線，用咗之後感覺高頻和低頻有加強，配合返Typ711原裝調音的特色！如果喜歡原本調音，咁就應該用呢條而唔好用Brise!
bennsiem.com 
發表留言